Artikel dina Mangle Edisi 2241
Ngungkab Perang Bubat
Di-update dina 13-01-2011
Puluhan taun kalangkung, basa MANGLE ngamuat carios Perang Bubat
kenging Yoseph Iskandar, aya inohong Sunda nu ngintun serat ka rumpaka,
saurna langkung sae carios sapertos kitu ulah dimuat, kumargi tiasa
ngabarubahkeun masarakat. Dina jaman Orde Baru harita nu represip,
kahariwang inohong Sunda bieu tiasa kahartos tur kamalum. Miang tina
sangkaan sae, tiasa janten inohong bieu manghariwangkeun bok bisi
majalah MANGLE dibreidel ku pamarentah. Namung tetela kasieun kitu
nyatana kaleuleuwihi, da buktosna dugi ka carios nyambung bieu tamat,
teu aya tegoran nanaon ti pamarentah.
Dalang Tanu
Di-update dina 13-01-2011
Meneran Kuwu Jaro keur pidato, ti lebah jalan aya Jeep seseleket.
Atuh piriwit Hansip kadenge pepelengkingan, nitah nyisi ka jalma-jalma
nu ngahalangan. Teh we Kuwu Jaro mah: nu datang teh, Dalang Tanu! Enya.
Da mobil eureun hareupeun Desa. Tuluy diparapag ku Kulisi jeung Lurah
Manta.
Puguh nu ditungguna geus mucunghul mah, Kuwu Jaro ge teu mapanjangkeun pidatona. Buru we mungkas ku talatah, menta balarea bisa ngajaga katertiban sewang-sewangan.
Nunggu
Di-update dina 13-01-2011
Geus meh dua jam aya kana tilu puluh urangna mah jalma dariuk na korsi
di rohangan Kilinik Afiat. Nunggu dr. syamsu muka praktekna. Sarerea
panonna museur na lebah panto ruang dokter Syamsu, Dokter Spesialis
Dalam jeung Kandungan nu ka mashur. Biasana dokter Syamsu jam dua muka
praktekna teh kari-kari ayeuna geus jam opat leuwih saparapat can keneh
bae. Boa-boa di kantor tempat dinsna aya halangan, aya nu operasi deui.
Emh, pielateun! Harita Danu nu keur nganteur pamajikana berobat ngarasa
panasaran tuluy ngajugjug rohangan informasi, nanyakeun. Manahoreng teu
jauh tina sangkaan dokter Syamsu cenah nuju ngoprasi pasenna di Rumah
Sakit tempat dinesna. Praktekna bade diundur ngawitan jam genep magrib.
Beu!
Tah dina kituna ari berobat ka kilinik eta teh. Hoream ku nungguanana,
sajaba sok eulat teh mani ngantay deuih bubuhan dokterna geus kakocap.
Nu Sok Patingalasrog
Di-update dina 13-01-2011
Kuring, adi, indung, uwa, emang, caricing teh di imah nini. Aki tos
ngantunkeun, uwa jeung indung geus teu karagungan caroge, emang bujang
kapalang, ABG ceuk basa ayeuna mah.
Pagogonyok di imah sagede gowok.
Imah panggung, tihangna ge ku awi. Inget we tihang teh aya nu molongoan, paranti nyesepkeun buuk kusut nu murudul kabawa ku sisir ari nini, indung, atawa uwa nyalisiran. Tara dipiceun, da sok aya Si Ayu, Jawa, nu sok ngasrog nyiar rambut kusut.
Di Kuningan Ge Aya Geusan Ulun Putrana 50, Loba Nu Jadi Dalem
Di-update dina 13-01-2011
Minggu pengker pedaran parantos dugi ka ditetepkeunnana Hari Jadi Kuningan 1 September, diitung ti mangsa Suranggajaya diistrenan ku Sunan Gunung Jati jadi Adipati Kuningan, hartina Bupati anu munggaran.
Drs. Nunung Sobari, MM: Mukakeun Jandela Pariwisata Tatar Sunda
Di-update dina 13-01-2011
Anjungan Jawa Barat Taman Mini Indonesia Indah ( AJB TMII) lir jandela Tatar Sunda. Ti dinya, bisa nyawang Tatar Jawa Barat. Ngan, naon wae mangpaatna?
Upama kaparengan lolongok ka Taman Mini Indonesia Indah (TMII), bakal bruh-breh kabeungharan Nusantra. Di dinya, bisa ngalanglang tempat-tempat nu mangrupa 'miniatur' kabeungharan budaya seler bangsa Indonesia. "Anjungan Jawa Barat lir jandela nu tiasa dianggo nyawang tatar Sunda," ceuk Drs. Nunung Sobari, MM., Kepala Balai Pengelola Anjungan Jawa Barat (AJB) Taman Mini Indonesia Indah (TMII) Jakarta.
Purnama Alam (Bag. 26)
Di-update dina 13-01-2011
23. Saenggeusna nyaur kitu Putri, lajeng ngadeg tina pangdekuan, manahna
nambahan mabok, bawaning ku kajurung, geus teu nolih era ku mantri,
Putri Ratna Suminar, leng bae teu emut, kana pertata kusumah, jadi
leungit pertiti terah narpati, bawaning ku kagendam.
Galuring Gending (Bag. 26)
Di-update dina 13-01-2011
"Sieun caritaan Panji kabuktian, heg di dituna Sarah jadi hese balik,
lantaran di dieu keur aya ririweuhan. Teu kacipta, meureun engke teh
kapahung di nagara batur."
"Moal sugan, tepi ka kitu-kitu teuing mah. Dina derna oge aya kajadian
di urang, piraku sugan sakabeh penerbangan internasional jadi areureun.
Anu dipimelang mah lain Sarah teu bisa balik, tapi teu niat balik deui."
"Ah, ngaco!"
"Atawa, balik ari balikna mah, ngan teu ka Bandung."
"Ngaco, ngaco! Memangna naon Sarah teh! Atawa memang Panji sorangan anu
teu percaya?" Sarah mencrong, bangun rek ngajugjugan eusi hate Panji.
Rampak Kendang Wanoja Mudungdungkeun Kulawarga Berencana
Di-update dina 13-01-2011
Seni kabula ka bale. Lian ti keur hiburan, oge tungtunan. Kitu nu dilakukeun ku Badan Koordinasi Keluarga Berencana Nasional (BKKBN). Ngan, naon wae hasilna?
Kabudayan kasenian, jasana sanes lumayan. Kitu ceuk juru kawih. Kasenian, memang lain ukur keur hiburan, lain ukur jadi pangbeberah hate, da bisa keur rupa-rupa tujuan. Matak, teu aneh teu sing upama BKKBN ge ngayakeun pasanggiri seni keur kapentingan program Keluarga Berencana (KB).Imah Nu Teu Rugrug Ku Lini
Di-update dina 13-01-2011
Pikeun Eeng Maryati (53) asa kagunturan madu kaclakclakan menyan bodas, jauh tina panyangka lamun imahna nu ancur alatan gempa bumi (2/9), ayeuna rek dibangun deui jadi conto wangunan imah nu tahan ku gempa bumi.
"Duka kumaha abdi kedah ngagambarkeunnana, kumaha atohna paraosan abdi ayeuna, rorompok bade aya nu pangangunkeun deui. Alahamdulillah, nuhun Gusti geuning ku pitulung Anjeun ayeuna abdi teu kedah sirarak siruruk deui di bumina pun lanceuk," ceuk indung ti tilu budak teh, waktu ditepungan minggu kamari di Desa Pangalengan, Kab.Bandung.
Kampung Seeng Geus Teu Nyengsreng
Di-update dina 13-01-2011
Paribasa "beunang ditungguan ku seeng nyengreng" boa-boa tereh leungit. Kitu teh, lantaran kadeseh ku pakakas anyar saperti 'rice cooker'. Kumaha 'nasib'pangrajin seeng di Kampung Cihamerang Desa Banjaran Wetan Kacamatan Banjaran, Kabupaten Bandung?
Pasosore, langit angkeub, Engkus Kusnadi (27) anteng ngutrak-ngetrek almaniem sesa-sesa tina nyieunan seeng. Areng paranti ngalebur almanieum, bahan baku seeng, geus pareum. Nu nyesa kari haseupna, diulinkeun angin.
Kingkilaban Edisi 2241
Di-update dina 13-01-2011
Sabda rada lila teu kakuping bejana nganclang saba nagara jeung sorana
anu halimpu empuk, Ida Wydawati juru mamaos nu mingpin Lingkung Seni
Malati jol nepungan ka MANGLE. Puguh kaget da pokna teh, nembe wangsul
ti Abudabi. Sakali ieu mah nganclang teh henteu ka Perancis deui tapi
ka Timur Tengah. Angger ari anu mawana mah mitra gawe Ida anu satia Le
Mation sarupaning Even Organizer mun di urang mah anu geus kacida
moyanna. Saminggu sabada Lebaran ngontakna teh, siap ka Abudabi cenah
bari ngasongkeun acarana, dina raraga Gempungan nagara-nagara anggota
PBB, husus ngabahas jeung nyawalakeun kultur, budaya bangsa-bangsa
sajagat bari mintonkeun conto-conto anu pangtradisionalna jeung
panghadena.
Lain Hiji-hijina Andelan
Di-update dina 13-01-2011
Wakil rayat di parlemen, minangka hasil Pemilu kamari, geus diistrenan,
hartina-miang tina sangkaan nu hade- rayat boga andelan kapentinganana
bakal aya nu mela supaya bisa ngawujud. Sanajan kitu, nyawang kana
paripolah wakil rahayat samemehna, kitu deui nalingakeun manajemen
partey pulitik nu lumangsung nepi ka kiwari, harepan saperti kitu teh
henteu gembleng. Teu weleh dikukuntit ku kahariwang jeung karempan, bok
bisi wakil rayat jalir jangji. Kawasna kahariwang saperti kitu geus
karasa ku wakil rahayat sorangan, saperti Budiman Sudjatmiko, anggota
DPR ti PDIP. Manehna nulis kieu.
Amar Ma'ruf Nahi Mungkar
Di-update dina 13-01-2011
Manusa teh hamba Alloh. Ku kituna hirup kumelendang di dunya teh mibanda
amanah. Ngalaksanakan amanah ti Gusti Nu Mahasuci teh tangtuna oge teu
gampil. Komo deui apanan dina diri manusa teh tumerap duaa sipat, boh
sipat hade boh sipat goreng. Tapi kitu, manusa kudu bisa ngaoptimalkeun
sipat hade nu aya dina dirina sangkan bisa jadi manusa nu adipikaasih
tur dipikaayah ku Alloh SWT. Jadi manusa anu mulya mungguh Alloh.